Bagdadi i jep Kurdistanit irakian tre ditë për të dorëzuar kontrollin e aeroporteve

18:40 | 26 Shtator 2017
Arbresh.info

Kryeministri irakian Haider al-Abadi ka thënë që Kurdistani irakian ka tre ditë për të dorëzuar kontrollin e aeroporteve ndërkombëtare tek Bagdadi, si një mënyrë për të shmangur embargon.

Ky hap vjen pas referendumit për pavarësi të mbajtur nga Kurdistani, përkundër kundërshtimit të Irakut, transmeton portali arbresh.info

Qeveria e Irakut dhe disa shtete të huaja siç janë Irani e Turqia në mënyrë të përsëritur kanë kundërshtuar referendumin.

Kryeministri turk Binali Yildirim ka thënë që Turqia, e cila ka një numër të madh kurdësh që jetojnë në territorin e saj nuk do të bëjë luftë, por do të ndërmarrë masa për sigurinë kombëtare.

Këshilli i Kombeve të Bashkuara ka shprehur shqetësimin, duke thënë që referendumi mund të destabilizojë Irakun, që ende është duke luftuar Shtetin Islamik./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm